අධිකරණයේදි බිය හා අපක්ෂපාතී නොවන්න - අගවිනිසුරු වැඩ අරඹමින් කියයි

 ඡායාරූපය:

අධිකරණයේදි බිය හා අපක්ෂපාතී නොවන්න - අගවිනිසුරු වැඩ අරඹමින් කියයි

ශ්‍රී ලංකාවේ 47 වන අගවිනිසුරු ජයන්ත ජයසූරිය මහතා පිළිගැනීමේ චාරිත්‍රානුකූල නිල උත්සවය අද (15) පැවැත්විණ. කොළඹ උපරිමාධිකරණ සංකීර්ණයේ පැවති මෙම උත්සවයට ශ්‍රේෂ්ඨාධිකරණ, අභියාචනාධිකරණ, මහාධිකරණ, මහේස්ත්‍රාත් අධිකරණ, දිසා අධිකරණ විනිසුරුවරු මෙම අවස්ථාවට සහභාගී වී සිටියහ.

 

මහජනතාව අධිකරණ පද්ධතිය කෙරෙහි තබා තිබෙන විශ්වාසය ආරක්ෂා කිරීම විනිසුරුවරුන්ගේ පරම වගකීමක් බව සඳහන් කළ අගවිනිසුරු ජයසූරිය මහතා එක් විනිසුරුවරුවරයෙකු හෝ එම විශ්වාසය කඩ කරනු ලැබුවොත් ඉන් සමස්ත අධිකරණ පද්ධතියටම පිරිමැසිය නොහැකි පාඩුවක් සිදුවිය හැකි බව සඳහන් කළේය. විනිසුරුවරු විවෘත මනසකින් කටයුතු කළ යුතු බවත් හොඳින් ඇහුම්කන් දීම සිදුකළ යුතු බවත් අගවිනිසුරු ජයන්ත ජයසුරිය කියා සිටියේය. අධිකරණ කටයුතුවල දී බියකින් තොරව අපක්ෂපාතී අයුරින් සිය රාජකාරි ඉටු කිරීම විනිසුරුවරුන්ගේ ප්‍රමුඛ වගකීමක් යුතු බව ඔහු පෙන්වා දුනී.

 

නව අග විනිසුරුවරයා පිළිගනිමින් නීතිපති දප්පුල ලිවේරා සහ ශ්‍රී ලංකා නීතිඥ සංගමයේ සභාපති ජනාධිපති නීතිඥ කාලිංග ඉන්දතිස්ස යන මහත්වරුන් අදහස් පළ කළේය. මෙම අවස්ථාවට ජනාධිපති නීතිඥවරු ඇතුළු නීතිඥවරු විශාල පිරිසක්ද එක්ව සිටියේය. නීතිපති ලෙස සේවය කළ ජනාධිපති නීතිඥ ජයන්ත ජයසූරිය මහතා ඉකුත්දා ව්‍යවස්ථාදායක සභාවේ අනුමැතිය මත ජනාධිපති විසින් නව අගවිනිසුරුවරයා ලෙස පත් කරනු ලැබීය.