හම්බන්තොට තෙල් පිරිපහදු කර්මාන්තශාලාවෙන් රැකියා අවස්ථා 4500ක් බිහිවෙනවා

 ඡායාරූපය:

හම්බන්තොට තෙල් පිරිපහදු කර්මාන්තශාලාවෙන් රැකියා අවස්ථා 4500ක් බිහිවෙනවා

හම්බන්තොට ඉදිවෙන සිමෙන්ති කර්මාන්තශාලාවෙන් සෘජු රැකියා 500ක් බිහි වෙනවා. පවුල් 2000කට එමඟින් සෙත සැලසෙනවා. තෙල් පිරිපහදු කර්මාන්තශාලාවෙන් සෘජු රැකියා 1500ක් හා වක්‍ර රැකියා 3000ක් අපේක්ෂා කරනවා. යැයි නිවාස ඉදිකිරීම් හා සංස්කෘතික කටයුතු අමාත්‍ය සජිත් ප්‍රේමදාස මහතා පවසයි. අමාත්‍යවරයා මේ බව ප්‍රකාශ කළේ අද (24) හම්බන්තොට මිරිජ්ජවිල ඉදිවෙන තෙල් පිරිපහදු සංකීර්ණය සහ සිමෙන්ති කර්මාන්ත ශාලාව සඳහා මුල්ගල තැබීමේ අවස්ථාවෙන් අනතුරුව පැවැති උත්සවය අමතමිනි. එහිදී වැඩිදුරටත් අදහස් දැක්වූ අමාත්‍යවරයා මෙසේද කීය.

 

අග්‍රාමාත්‍යවරයාගේ උපන්දිනය සඳහා මා හම්බන්තොට ජනතාව වෙනුවෙන් උණුසුම් සුබපැතුම් පිරිනමනවා. අග්‍රාමාත්‍යවරයා හම්බන්තොට දිස්ත්‍රික්කයට දැවැන්ත තෑගි දෙකක් ජනතාවට ලබාදුන් අවස්ථාව මෙයයි. අද හම්බන්තොට මිරිජ්ජවිල ප්‍රදේශයේ සිමෙන්ති කර්මාන්තශාලාව සහ තෙල් පිරිපහදු කර්මාන්තශාලාව ආරම්භ කරනවා.

මෙය ලංකාවේ මෙතෙක් බිහි වූ දැවැන්ත ව්‍යාපෘති දෙකක්. හම්බන්තොට දිස්ත්‍රික්කයට දැවැන්ත ආර්ථික සමාජීය අවස්ථාවක් ලැබෙන අවස්ථාවක්. සිමෙන්ති කර්මාන්තශාලාවෙන් සෘජු රැකියා 500ක් බිහි වෙනවා. පවුල් 2000කට සෙත සැලසෙනවා. තෙල් පිරිපහදු කර්මාන්තශාලාවෙන් සෘජු රැකියා 1500ක් හා වක්‍ර රැකියා 3000ක් අපේක්ෂා කරනවා. මේ ව්‍යාපෘතිය ක්‍රියාත්කක් වන්නේ හම්බන්තොට උදාකරන්නයි. ඉදිරි වසර කීපය තුළ මේ දැවැන්ත ව්‍යාපෘති යථාර්තයක් බවට පත් කරනවා. ඕමානයේ ඛනිජ තෙල් අමාත්‍යවරයා අද මේ අවස්ථාවට එක් වුණා. ඕමානය මේ ව්‍යාපෘතියට සහාය නොදෙන්නේ නම් ඕමානයේ ඛනිජ තෙල් අමාත්‍යවරයා එන්නේ කොහොමද? මේවා දේශපාලන කුහකත්වය මත පොහොට්ටු පක්ෂය කියන දේවල්. ජනතාවට ලැබෙන දේවල් අහිමි කරනවා. මේ ව්‍යාපෘතිය සත්‍යයක්, යථාර්තයක්.